Azərbaycanın tanınmış alimi, fizika-riyaziyyat elmləri doktoru, professor Hidayət Nuriyev vəfat edib.
Bu barədə “Yeni Sabah”a onun yaxınları məlumat verib.
Professor 85 yaşında dünyasını dəyişib. Mərhum Bakıda dəfn olunub.
Qeyd edək ki, Hidayət Rəhim oğlu Nuriyev 1941-ci il yanvarın 20-də Gürcüstanın Marneuli şəhərində anadan olub. 1962-ci ildə Azərbaycan Dövlət Pedaqoji Universitetinin fizika-riyaziyyat fakültəsini bitirib. 1963-cü ilin oktyabr ayından etibarən AMEA Fizika İnstitutunda işləyib.
İnstitutun Veteranlar Şurasının sədri idi.
