Tibbi Ərazi Bölmələrini İdarəetmə Birliyinin (TƏBİB) İctimaiyyətlə əlaqələr və kommunikasiya departamentinə yeni rəhbər təyin edilib.
Banker.az xəbər verir ki, bu vəzifə Zara İbrahimzadəyə həvalə edilib.
Zara İbrahimzadə 2026-ci ilin yanvar ayından may ayına kimi “PAŞA Bank”ın Baş icraçı direktorunun müşaviri olub.
Z.İbrahimzadə 2023-cü ilin fevral ayından 2026-cı ilin yanvar ayına kimi “PAŞA Bank” ASC-nin Marketinq departamentinin direktoru olub.
O, ABB-nin Marketinq departamentinə direktor kimi 2020-ci ilin dekabrında təyin edilmişdi və 2023-cü ilin yanvarında vəzifəsindən ayrılmışdır.
ABŞ-ın Corc Mason Universitetinin məzunu olan Z.İbrahimzadə son 15 ildə Türkiyədə fəaliyyət göstərib.
Müxtəlif şirkətlərdə, o cümlədən “LUKOİL Türkiyə”, “Akkuyu Nükleer” və SOCAR Türkiyə şirkətlərində çalışıb. Bu şirkətlərdə ayrı-ayrı marketinq və PR layihələrinin həyata keçirilməsinə rəhbərlik edib.
