DİM abituriyentlərə müraciət edib

Bakalavriat səviyyəsinin Məşqçilik (61) ixtisasının idman növləri üzrə ixtisas imtahanında iştirak edəcək abituriyentlər buraxılış vərəqəsini çap edə bilərlər.

 

Bu barədə AzEdu.az-a Dövlət imtahan Mərkəzindən məlumat verilib.

 

Mərkəzdən bildirilib ki, "Qabiliyyət imtahanına buraxılış vərəqəsi"ndə imtahanın keçiriləcəyi tarix, bina, lazımi sənədlər, başlanma vaxtı və abituriyentin imtahan binasına gəlmə vaxtı və s. məlumatlar əksini tapıb.

 

Xatırladaq ki, abituriyentlər (subbakalavrlar) imtahana gələrkən idman növü üzrə müvafiq geyim və ya zəruri avadanlıqları (varsa) gətirməlidirlər.

 

Qrafiklə buradan tanış ola bilərsiniz. Qrafik mütəmadi olaraq yenilənir və digər imtahanların tarixləri də bəlli olduqca cədvələ əlavə edilir. Abituriyentlərə (subbakalavrlara) mütəmadi DİM-in saytını izləməyi tövsiyə edirik.

 

Qeyd edək ki, qış idman növləri ixtisasının və Naxçıvan Muxtar Respublikasında imtahan verəcək abituriyentlər üçün futbol, atletika və basketbol ixtisaslarına aid buraxılış vərəqələri yaxın tarixlərdə saytımıza qoyulacaq.