Bu gün İsveçrənin Nyon şəhərində UEFA Konfrans Liqasının III təsnifat mərhələsinin püşkü atılıb. Azərbaycanın bu turnirdəki təmsilçiləri “Sabah”, “Zirə” və “Sumqayıt”ın mümkün rəqibləri müəyyənləşib.
“Sabah” – “Makkabi” (Hayfa, İsrail) cütünün qalibi növbəti raundda “Sent Patriks” (İrlandiya) – “Vaduts” (Lixtenşteyn) cütünün qalibi ilə qarşılaşacaq.
“Zirə” – “Dunayska Streda” (Slovakiya) duelindən üstün ayrılacaq komandanın III təsnifat mərhələsindəki rəqibi “NK Osiyek” (Xorvatiya) – “Levadiya” (Estoniya) cütünün qalibi olacaq.
“Sumqayıt” – “Fehervar” (Macarıstan) mübarizəsində yoluna davam edəcək komanda isə “Omoniya” (Kipr) – “Torpedo” (Kutaisi, Gürcüstan) cütünün qalibi ilə üz-üzə gələcək.
Konfrans Liqasında III təsnifat mərhələsinin oyunları avqustun 8-də və 15-də keçiriləcək.
