...Amerika Müharibə Araşdırma İnstitutunun hesabatında deyilir ki, Kreml Donald Tramp və Vladimir Putin arasında Alyaskada planlaşdırılan görüşdən mənalı sülh danışıqları üçün deyil, ABŞ və Avropa arasında birliyi zəiflətmək üçün istifadə etməyi planlaşdırır.
SİA-nın məlumatına görə, analitiklər qeyd edirlər ki, Rusiya liderlərinin son bəyanatları Moskvanın Ukrayna və Avropanı sülhə maneə kimi qələmə vermək cəhdlərindən xəbər verir....Rusiya Təhlükəsizlik Şurasının sədr müavini Dmitri Medvedev Avropanı guya ABŞ-ın müharibəni dayandırmaq səylərinə mane olmaqda ittiham edib.
...LDPR lideri Leonid Slutski deyib ki, Avropa ölkələri "tez sülh nizamlanmasına imkan vermir".
...Rusiyalı politoloq Sergey Markov “The Washington Post”a deyib ki, Rusiyanın etmək istədiyi yeganə “kompromis” Odessa və Xarkov vilayətlərini, həmçinin Xerson və Zaporojyenin ələ keçirilməsindən sonra döyüşləri dayandırmaqdır.
O, həmçinin Ukrayna prezidenti Vladimir Zelenskini və Avropa liderlərini müharibədə günahlandırıb.
...Amerika Müharibə Araşdırma İnstitutuqeyd edir ki, Ukrayna və Avropa rəsmiləri vicdanla danışıqlar aparmaq və real atəşkəs sazişləri bağlamaq istəyini nümayiş etdiriblər, lakin Moskva bu təklifləri ardıcıl olaraq rədd edib, əvəzində güzəştə getmək və hərbi qazanc əldə etmək istəyib.
İnstitutun fikrincə, Rusiyanın strateji məqsədləri dəyişməz olaraq qalır: Ukraynanın NATO-ya daxil olmasının qarşısını almaq, Kiyevdə rusiyayönlü hökumət qurmaq və ölkənin demilitarizasiyası faktiki olaraq onun təslim olması deməkdir.
“Rusiya çox güman ki, 2025-ci ilin yazında dəfələrlə etdiyi kimi, Ukraynanı pozmaqda günahlandıraraq, gələcəkdə istənilən atəşkəs razılaşmasını öz məqsədləri üçün pozacaq və istismar edəcək”.
Əli Babayev
