1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Serbiya millisinin sabiq futbolçusu Deyan Milovanoviç veteranlar matçı zamanı ölüb.
41 yaşlı idmançı "Qırmızı Ulduz" veteranlarının tərkibində meydana çıxıb, lakin oyun zamanı infarkt keçirib.
Oxu.Az-ın xəbərinə görə, bu barədə "L'Équipe" nəşri məlumat verib.
Mənbənin sözlərinə görə, Milovanoviç "ikiqat infarkt" keçirib. O, qol vurulduqdan bir neçə dəqiqə sonra huşunu itirib. Tezliklə hadisə yerinə gələn həkim briqadası onu həyata qaytara bilməyib.
Deyan Milovanoviç futbolçu kimi Serbiyanın "Srvena Zvezda" və "Vojdovats", Fransanın "Lans" və Yunanıstanın "Panionios" klublarında çıxış edib.
O, Serbiya millisində də çıxış edib (iki oyun). 2006-cı ildə Deyan Serbiya çempionatının ən yaxşı oyunçusu kimi tanınıb.
