İzmirdə tekstil sahəsində fəaliyyət göstərən iş adamı silahlı dəstə tərəfindən qaçırılaraq İstanbula aparılıb.
Publika.az Türkiyə mətbuatına istinadla xəbər verir ki, qaçırılan şəxsin yaxınları bununla bağlı polisə müraciət ediblər.
Araşdırmalar nəticəsində iş adamının əvvəlcə Bursanın Karacabey rayonuna, daha sonra isə İstanbula aparıldığı müəyyən edilib.
İstanbul Polis İdarəsi tərəfindən aparılan əməliyyat zamanı iş adamı tapılıb. O, xüsusi əməliyyatla xilas edilib və hadisə ilə bağlı 5 şübhəli saxlanılıb.
