Gizli böyrək xəstəliyi uzun müddət heç bir əlamət göstərməsə də, bədən hələ də siqnal göndərir. Bunlara xroniki yorğunluq, iştahsızlıq, ayaqların şişməsi, konsentrasiyanın çətinləşməsi və sidikdə dəyişikliklər daxildir.
Publika.az "Hola" nəşrinə istinadən xəbər verir ki, bunu ispaniyalı həkim Pablo Turrion deyib.
Mütəxəssisin fikrincə, böyrəklərin əsas vəzifəsi qanı süzməkdir. Bu proses orqanizmə qida maddələrini saxlamağa, sidik vasitəsilə artıq və zəhərli birləşmələri xaric etməyə imkan verir. Əgər böyrəklər düzgün işləməsə, toksinlər tədricən yığılır və bu, ümumi vəziyyətə təsir edir.
Turrion qeyd edib ki, hətta topuq və ayaqlarda yüngül şişkinlik, sidikdə köpüyün əmələ gəlməsi və ya rənginin dəyişməsi, tez-tez sidiyə getmə həkimə müraciət etmək üçün səbəb ola bilər.
