Danimarka təkcə Rusiya ilə birbaşa hərbi qarşıdurma ehtimalını nəzərdən keçirmir, həm də belə bir ssenariyə hazırlaşır.
AFN.az xarici mediaya istinadən xəbər verir ki, bunu Rusiyanın Danimarkadakı səfiri Vladimir Barbin Danimarka hökumətinin uzaqmənzilli hücum dəqiqliyi silahları əldə etmək qərarı ilə bağlı açıqlamasında deyib.
O bildirib: “Baş nazir Mette Frederiksen və müdafiə naziri Troels Lund Poulsenin Rusiyadakı hədəflərə zərbə endirmək üçün uzaqmənzilli dəqiq silahlara sahib olmaq zərurəti ilə bağlı əsaslandırması tam dəlilikdir. Heç kim, heç bir yerdə nüvə dövlətini açıq şəkildə təhdid etməyi belə düşünməyib. Bu bəyanatlar, şübhəsiz ki, nəzərə alınacaq. Bundan sonra, biz bunu birbaşa hərbi qüvvə kimi nəzərə almalıyıq. Artıq belə qənaətə gəlmək olar ki, Danimarka yalnız Rusiya ilə birbaşa hərbi qarşıdurma ehtimalı barədə düşünmür, həm də bu ssenariyə hazırlıq görür”.
Xatırladaq ki, Danimarka hökuməti ölkəni uzaqmənzilli dəqiq silahlarla təchiz etmək qərarını açıqlayıb. Nazirlər Kabineti hesab edir ki, bu, milli müdafiə qabiliyyətini və NATO və onun müttəfiqlərinin çəkindiriciliyini gücləndirəcək.
