ain.az xəbər verir, Oxu.az saytına əsaslanaraq.
13-14 sentyabr tarixlərində Şamaxı rayonunun Meysəri kəndində ənənəvi Üzüm və Şərab Festivalı keçirilib. Şamaxı Rayon İcra Hakimiyyətinin, "Abqora" restoranı və "Nəsimi bağları" kompleksinin təşkilatçılığı ilə baş tutan tədbir iki gün davam edib.
Festivalın açılış mərasimində Azərbaycan Respublikası Prezidentinin köməkçisi, Heydər Əliyev Fondunun icraçı direktoru Anar Ələkbərov, kənd təsərrüfatı naziri Məcnun Məmmədov və digər rəsmi qonaqlar iştirak ediblər.
Göygöl Şərab Zavodu da festivalda öz məhsullarını təqdim edərək, ziyarətçilərə dadma imkanı yaradıb. İştirakçılar zavodun müxtəlif çeşidli məhsulları ilə yaxından tanış olub, onların istehsal prosesi və xüsusiyyətləri barədə məlumat alıblar.
Festivalın əsas məqsədi yerli üzümçülüyü və şərab istehsalını təşviq etmək, ixrac imkanlarını genişləndirmək, həmçinin ölkənin zəngin şərabçılıq ənənələrini ictimaiyyətə çatdırmaq olub. Proqram çərçivəsində müxtəlif maarifləndirici sessiyalar, təqdimatlar və əyləncəli tədbirlər də təşkil olunub.
Qeyd edək ki, 165 ildən artıq tarixə malik "Göygöl Şərab Zavodu" ASC Azərbaycanın ən qədim spirtli içki istehsal edən müəssisəsidir. Zavodun "Xan 1860" brendi altında təqdim etdiyi məhsullar, xüsusilə də nəfis dad və özəllikləri ilə tanınan "Karabakh" şərabları müxtəlif ölkələrə ixrac olunur və dəfələrlə önəmli beynəlxalq mükafat və sertifikatlar qazanıb.
Sonrakı hadisələr barədə daha çox məlumat almaq üçün ain.az saytını izləyin.
