Bakı, 31 oktyabr, AZƏRTAC
FIFA referisi Kamal Umudlu UEFA Gənclər Liqasının IV turu çərçivəsində keçiriləcək “Napoli” (İtaliya) – “Ayntraxt” (Almaniya) oyununun baş hakimi olacaq.
AFFA-dan AZƏRTAC-a verilən məlumata görə, ona Namik Hüseynov və Vüsal Məmmədov kömək edəcəklər.
Noyabrın 4-də Çerkola şəhərində yerləşən “Cüzeppe Pikkolo” stadionunda keçiriləcək görüş Bakı vaxtı ilə saat 14:30-da başlanacaq.
