Rusiyada ilk dəfə insanabənzər süni intellektli robot təqdim edilib.

Reyting.az "Meduza" nəşrinə istinadla xəbər verir ki, Moskvada keçirilən ilk təqdimat zamanı "Aydol" adlandırılan robot səhnəyə çıxarkən tarazlığını itirərək yıxılıb.

Xoşagəlməz hadisədən sonra təqdimat dərhal dayandırılıb və uğursuz nümayişin qəhrəmanı "Aydol" səhnədən çıxarılıb.

Rusiya istehsalı olan yeni robotun hansı texniki səbəblərdən ilk təqdimat zamanı yıxıldığı barədə müxtəlif fikirlər səslənsə də, mütəxəssislər konkret açıqlama verməkdən imtina ediblər.

Oqtay QORÇU