.jpg)
Consonun sözlərinə görə, Trampın bəyanatı ABŞ Energetika Nazirliyini, Müdafiə Nazirliyini və Dövlət Departamentini tamamilə təəccübləndirib. O vurğulayıb ki, bu açıqlama ABŞ siyasətində ciddi istiqamət dəyişikliyi demək olmasa da, prezidentin öz komandasını da fakt qarşısında qoyduğunu göstərir.
"Sanki Tramp nəsə dedi və indi hamı çalışır ki, əslində nəyi nəzərdə tutduğunu anlasın," - deyə analitik bildirib. Onun fikrincə, Tramp "nə dediyini tam anlamırdı və özünü yaşıdları kimi güclü və təsirli göstərməyə çalışan yeniyetmə kimi davranırdı." Conson iddia edib ki, Tramp məsələni "nə düşünərək, nə də texniki detallara bələd olaraq" açıqlayıb.
Keçmiş MKİ əməkdaşı Trampın real olaraq nüvə sınaqlarını bərpa etməsinin mümkün olub-olmadığı haqqında suala isə belə cavab verib:
"Xeyr. Çünki bu prosesin həyata keçirilməsi üçün təxminən üç il tələb olunur. O vaxta qədər isə onun prezidentlik müddəti başa çatacaq." Trampın səlahiyyət müddəti 2029-cu ilin yanvarında bitir. Bununla belə, Conson Trampı tamamilə istisna etmədiyini bildirib: "Mən 'tamamilə mümkün deyil' demək istəmirəm. O, 2019-cu ildə Orta və Kiçik Mənzilli Raketlər üzrə Müqavilədən çıxdı. Həmçinin görünür ki, hazırkı administrasiya Yeni START müqaviləsinin qorunması üçün də ciddi addımlar atmır."
Onun sözlərinə görə, son 14 ildə ABŞ administrasiyası üçün silahlara nəzarət, nüvə arsenalının modernizə edilməsi və bu sahədə mütəxəssis kadrların saxlanılması prioritet olmayıb. "Bu sahədə bilik və təcrübəyə malik mütəxəssislərin əksəriyyəti ya təqaüdə çıxıb, ya da artıq hökumətdə işləmir. Sakit Ritter bunun bariz nümunəsidir. O, bu sahədən 20 il əvvəl ayrılıb," - deyə Conson əlavə edib.
Təklifinizi, şikayətinizi bizə yazın. Sizi dinlərik. 055 634 88 31
