Operativ MM portalından verilən məlumata əsasən, ain.az bildirir.
ABŞ ordusu Venesuela sahillərində narkotik qaçaqmalçılığı ilə məşğul olduğu iddia edilən qayıqları məhv etmək üçün MQ-9 Reaper tipli döyüş dronlarından və beşinci nəsil F-35 qırıcı təyyarələrindən istifadə edir.
"Operativ Məlumat Mərkəzi-OMM" xəbər verir ki, bu barədə CNN mənbələrə istinadən məlumat yayıb.
Bildirilib ki, qayıqlardan biri AC-130J tipli yerüstü dəstək təyyarəsi – sözdə “uçan batareya” tərəfindən məhv edilib.
Kanal qeyd edib ki, ABŞ ordusu əvvəllər heç vaxt narkotik qaçaqmalçılarına qarşı əməliyyatlarda istifadə etdiyi bu tip hərbi vasitələri ictimaiyyətə açıqlamayıb.
CNN-in məlumatına görə, sentyabr ayından bəri ABŞ qüvvələri bölgədə azı 20 qayığı batırıb və nəticədə 76 nəfər həlak olub.
Venesuela prezidenti Nikolas Maduro isə dəfələrlə bəyan edib ki, ölkə son 100 ilin ən ciddi “işğal təhlükəsi” ilə üz-üzədir. Vaşinqton isə Karakas hökumətini narkotik qaçaqmalçılığı ilə mübarizədə passivlikdə ittiham edir.
Hazırda ABŞ Hərbi Dəniz Qüvvələri Karib dənizində səkkiz gəmi, bir nüvə sualtı qayığı və 16 mindən çox hərbçi ilə əməliyyat aparır. Onlar beynəlxalq sularda Venesueladan narkotik daşımaqda ittiham olunan sürətli qayıqları məhv edirlər.
“The New York Times”ın məlumatına görə, ABŞ prezidenti Donald Tramp Mərkəzi Kəşfiyyat İdarəsinə Venesuelada gizli əməliyyatlar aparmaq səlahiyyəti verib. Lakin Tramp oktyabrın 31-də bəyan edib ki, ABŞ Venesuela ərazisinə zərbələr endirməyi hələlik planlaşdırmır.
Ən son xəbərləri və yenilikləri almaq üçün ain.az saytını izləyin.
