9 saylı Astara seçki dairəsindən seçilən deputat, Milli Məclisin Səhiyyə Komitəsinin sədr müavini, millət vəkili Rəşad Mahmudov bu gün Astarada seçiciləri qəbul edib.
Sabahinfo.az xəbər verir ki, qəbul zamanı seçicilər əsasən sosial və səhiyyə problemləri, eləcə də bəzi kəndlərdə yolların yenidən qurulması ilə bağlı məsələləri səsləndiriblər. Millət vəkili Rəşad Mahmudov vətəndaşların müraciətlərini dinləyərək, onların qaldırdıqları problemlərin araşdırılması və həlli istiqamətində müvafiq qurumlarla əlaqə saxlanılacağını bildirib.
