"C130" təyyarəsi niyə qəzaya uğradı? - Səxavət Məmmədin VERSİYASI

Türkiyəyə məxsus C-130 hərbi yük təyyarəsi Gürcüstan üzərində qəzaya uğrayıb və təyyarədə olan 20 hərbçi həlak olub. Türkiyəyə məxsus, Gəncədən qalxan və Gürcüstan sərhədində radardan itən C-130 tipli təyyarə standart hərbi transport (yükdaşıyan) versiya idi. Yəni, onun üzərində yüksək səviyyəli radioelektron mübarizə (REM) sistemləri və ya raketdən müdafiə texnologiyaları olmaya bilərdi, yaxud məhdud formada olub. Bu tip təyyarələrdə REM və raketdən müdafiə texnologiyaları olsa belə, əgər təyyarə münaqişə zonasında uçuş həyata keçirmirsə, sözügedən sistemlər passiv vəziyyətdə olur.