Venesuela ABŞ-a cavab olaraq hərbi səfərbərlik elan edib.
QHT.az xəbər verir ki, Venesuela ABŞ hərbi gəmiləri və qoşunlarının Karib hövzəsində toplanmasına cavab olaraq “kütləvi hərbi səfərbərlik” başladıb. Müdafiə naziri Vladimir Padrino Lopez bildirib ki, prezident Nikolas Maduronun göstərişi ilə quru, hava, dəniz və ehtiyat qüvvələri çərşənbə gününə qədər genişmiqyaslı təlimlər keçirəcək.
Təlimlərə həm nizami ordu, həm də mərhum prezident Huqo Çavesin yaratdığı Bolivar Milisləri cəlb olunub. Lopez bunu ABŞ ordusunun bölgədəki “imperialist təhlükəsinə” cavab adlandırıb.
Bu addım, ABŞ-ın ən böyük döyüş gəmisi “Gerald R. Ford” təyyarədaşıyıcısının Karib hövzəsinə göndərilməsindən sonra iki ölkə arasında gərginliyin artdığı bir vaxtda atılıb.
R.İmanov
