Azərbaycanlı jurnalist Əfqan Sadıqov yolu bağladığına görə ikinci dəfə inzibati həbs cəzasına məhkum edilib. O, yeddi gün istintaq təcridxanasında qalacaq.
“Cebheinfo.az” Gürcüstan mətbuatına istinadən xəbər verir ki, iş üzrə məhkəmə iclası 12 noyabrda Tbilisi Şəhər Məhkəməsində keçirilib.
Daxili İşlər Nazirliyi əvvəllər onu 19, 20 və 21 oktyabrda yolu bağlamaqda ittiham etmişdi.
Bu, jurnalistin oxşar cinayətə görə ikinci inzibati cəzasıdır. O, əvvəllər 18 oktyabrda yolu bağladığına görə 14 gün həbs cəzasına məhkum edilmişdi.
Bir müddət əvvəl Gürcüstan parlamenti yolun təkrar qanunsuz bağlanmasını cinayət hesab edən qanunvericilik düzəlişlərini qəbul edib. Lakin bütün hadisələr qanun qüvvəyə minməzdən əvvəl baş verdiyindən, Ə.Sadıqova qarşı heç bir cinayət işi açılmamışdı.
Mövcud qanunvericiliyə görə etiraz aksiyalarının keçirilməsi üçün müəyyən edilmiş qaydaları pozmaq artıq cinayət əməlidir və bir ildən iki ilə qədər həbs cəzası ilə cəzalandırılır. Cərimə ödəilmədən, aşağıdakılara görə dərhal 15 günə qədər həbs cəzası tətbiq edilir:
- etiraz aksiyasında maska taxmaq;
- gözyaşartıcı qaz saxlamaq;
- yolu bağlamaq.
Təkrarlanan cinayətlər cinayət məsuliyyətinə cəlb edilməklə nəticələnəcək və bu zaman cəza bir ilə qədər həbs ola bilər.
