Sherg.az portalından alınan məlumata görə, ain.az xəbər verir.
Suriya İran və Hizbullahla mübarizədə ABŞ-yə kömək edəcək.
Teleqraf xəbər verir ki, bunu ABŞ-nin Suriyadakı səfiri Tom Barak bildirib.
Barak sosial mediada Suriya Prezidenti Əhməd əş-Şaranın bu həftə Ağ Evə tarixi səfəri ilə bağlı paylaşım edib.
"Bu səfər Yaxın Şərqin müasir tarixində həlledici dönüş nöqtəsi və Suriyanın təcriddən tərəfdaşlığa keçidində əlamətdar transformasiyadır", - Barak qeyd edib.
Onun sözlərinə görə, Suriyaya sağalmaq üçün real şans verməyin vaxtı çatıb:
"Dəməşq indi İŞİD-in qalıqları, İslam İnqilabı Keşikçiləri Korpusu, HƏMAS, Hizbullah və digər terror şəbəkələri ilə mübarizədə ABŞ-yə fəal kömək edəcək və qlobal sülh səylərində sadiq tərəfdaş kimi çıxış edəcək. Suriyanın İŞİD-ə qarşı mübarizə üçün koalisiyaya qoşulmaq istəyini yüksək qiymətləndiririk. Bütün regionun yenidən qurulması, əməkdaşlıq və sabitlik naminə Suriyanın terrorizm mənbəyindən terrorla mübarizədə tərəfdaşa çevrilməsi mühüm addımdır”.
Ən son xəbərləri və yenilikləri almaq üçün ain.az saytını izləyin.
