Ermənistan dünyanın ən güclü orduları arasında 60-cı yerdə qərarlaşıb.
"Yeni Sabah" xəbər verir ki, bu, "Global Firepower" reytinqində əks olunub.
145 ölkənin silahlı qüvvələri 60 göstərici üzrə, o cümlədən avadanlıq və personalın sayı, maliyyə vəziyyəti, resursların mövcudluğu və digər amillərlə müqayisə edilib.
Hərbi güc təkcə ordunun ölçüsü ilə deyil, həm də onun aktivləri - gəmilər, təyyarələr, müdafiə büdcəsi və təbii ehtiyatlara (neft, kömür) çıxış imkanları ilə müəyyən edilir.
ABŞ ən böyük müdafiə büdcəsi və geniş hərbi-texniki arsenalı sayəsində növbəti dəfə birinci yeri tutub. Güclü artilleriya və çoxsaylı buraxılış raket sistemləri ilə seçilən Rusiya ikinci yerdə qərarlaşıb. Çin dəniz gücünə görə üçüncü yerdədir.
Hindistan dördüncü, Cənubi Koreya isə beşinci yerdədir. Böyük Britaniya altıncı, Fransa yeddinci, Yaponiya, Türkiyə və İtaliya sonrakı pillələrdədir.
Qonşu ölkələr arasında Gürcüstan 94-cü, Ermənistan 90-cı və İran 16-cı yerdədir.
Telegram kanalımız
