Anqola və Argentina milli komandaları arasında yoldaşlıq oyunu keçirilib.
İdman.Biz bildirir ki, oyun argentinalıların 2:0 hesablı qələbəsi ilə başa çatıb.
43-cü dəqiqədə hücumçu Lautaro Martinez 38 yaşlı hücumçu Lionel Messinin ötürməsi ilə hesabı açıb. Messi özü 82-ci dəqiqədə qol vurub.
Argentina millisinin kapitanı “İnter Mayami”də və yığmada son səkkiz matçda 20 qol vurub.
Lionel Skaloninin komandası daha əvvəl DÇ-2026-na vəsiqə qazanıb. Seçmə mərhələnin 18 turundan sonra argentinalılar 38 xal toplayaraq birinci yeri tutublar.
