Rusiyanın Perm diyarında, Çerepaxi kəndi yaxınlığında avtomagistralda sərnişin mikroavtobusu ağır tonnajlı yük avtomobili ilə toqquşub.
Publika.az Rusiya mediasına istinadən xəbər verir ki, hadisə nəticəsində 7 nəfər ölüb, 15 nəfər yaralanıb.
Ölənlər arasında yetkinlik yaşına çatmayan bir nəfərin də olduğu bildirilir.
Faktla bağlı cinayət işi açılıb, araşdırma aparılır.