"Real Madrid"in müdafiəçisi "Çelsi" yolundadır.
Offsideplus.az xəbər verir ki, londonlular “Real Madrid”də əsas heyətdəki yerini itirən Antonio Rüdigeri yenidən Londona gətirməyə çalışır. Klub rəhbərliyi müdafiə xəttinə təcrübəli və lider xarakterli futbolçu əlavə etməyin vacib olduğunu düşünür.
Məlumata görə, "Çelsi" Rüdigerin komandaya 35 yaşında kluba qoşulan Tiaqo Silvanın oynadığı rola bənzər təsir göstərə biləcəyinə inanır. Klub çətin dönəmlərdə nümunə olacaq, həmçinin gənc oyunçulara yol göstərə biləcək təcrübəli müdafiəçi axtarır və Rüdiger bu profilə uyğun sayılır.
Hazırda “Real Madrid”lə danışıqlar davam edir və "Çelsi"nin artıq futbolçunun nümayəndələri ilə əlaqədə olduğu bildirilir.
