MEDİA Reyestrindən qeydiyyatdan keçərək nəşrə başlayan qəzet artıq oxucularla ilk görüşünü keçirib. Yeni qəzetin təsisçisi və məsul redaktoru uzun illər Salyan rayonunda “Ana Kür” Ekoloji Problemlərin Öyrənilməsinə Kömək İctimai birliyinə rəhbərlik edən jurnalist Rüstəm Məlikovdur.
QHT.az-a söhbət zamanı o, bildirilmişdir ki, ”Ana Kürüm” 100 ildən çox rayonda çap olunan “Qələbə” qəzetinin missiyasını davam etdirmək məqsədi ilə təsis edilmişdir. Adından göründüyü kimi qəzet ekoloji məsələlərə də xüsusi yanaşması ilə fərqlənəcəkdir.
Salyan Rayon İcra Hakimiyyəti və Şirvan Salyan Regional Mədəniyyət idarəsinin təşkilatçılığı ilə Salyan Tarix-Diyarşünaslıq muzeyində keçirilən görüşdə bu barədə danışılmış, qəzetin məqsədləri bəyan edilmiş və fəaliyyət planı barədə məlumat verilmişdir. Salyan Rayon İcra Hakimiyyətinin məsul nümayəndələri, Salyan bələdiyyəsinin sədri, RİH yanında Şura üzvləri, rayon mətbuatının veteranları, təhsil və mədəniyyət işçiləri, rayon ziyalıları, ilk müstəqil qəzetinin nəşrə başlamasını rayonun və bölgənin ictimai-siyasi həyatında mühüm hadisə kimi dəyərləndirmiş və yaradıcı kollektivə uğurlar arzu etmişdir.
Oxucularla görüşün rayonun tarix-diyarşünaslıq muzeyində təşkil edilməsinin xüsusi mənası olmuşdur. Belə ki. Salyanın ictimai –siyasi qəzeti olmuş “Qələbə” nin 101 əvvəl nəşr olunmuş ilk nömrəsi məhz burada qorunur və nümayiş etdirilir.
Görüşdə maraqlı anlar yaşanmışdır. “Qələbə” qəzetinin 101 ildən son nömrəsi 31 iyul 2025- cil sayı da muzeyə təqdim edilmişdir. Bununla yanaşı yeni nəşrə başlamış “Ana Kürüm” qəzetinin ilk nömrəsi də muzeyə saxlanıca verilmişdir.
Salyan rayonun ictimai mədəni həyatında yadda qalan bir görüş xatirə şəkili çəkdirməklə sona çatdı.
