"Real"ın qapıçısı Tibo Kurtua madridlilərin sabiq çalışdırıcısı Karlo Ançelotti ilə hazırkı baş məşqçi Xabi Alonsonu müqayisə edib.
Fanat.Az xəbər verir ki, "Football Espana" təcrübəli qolkiperin fikirlərini belə təqdim edib:
"Ançelotti bizim üçün ata və ya baba kimi idi. Xabi daha müasirdir. Hər ikisi çox yaxşı məşqçidir, hər birinin özünəməxsus üslubu var.
Ançelotti üçün darıxdığımızı söyləmək Xabiyə hörmətsizlik olardı. Alonso ilə yaxşı münasibətimiz var.
Soyunub-geyinmə otağında bəzi futbolçuların o qədər də çox oynamamasından narazılıq bildirməsi normaldır. Biz yaxşı məşq edirik. Komandamızda hər şey açıq şəkildə müzakirə olunur və heç bir problem yoxdur. İşləri yoluna qoymaq lazımdırsa, mən bunu bacaranlardanam, amma buna ehtiyacımız yoxdur".
Xatırladaq ki, italiyalı mütəxəssis Karlo Ançelotti bu ilin mayında “Real”dan ayrılaraq Braziliya millisinin sükanı arxasına keçib. Madrid nəhəngi onu "Bayer Leverkuzen"in ispaniyalı çalışdırıcısı Xabi Alonso ilə əvəzləyib.
Mirağa
