BAKI, TurkicWorld, Abdulvahhab Ələskərov
Belarus Prezidenti Aleksandr Lukaşenko 31 Ukrayna vətəndaşını əfv edib. Onlar bu gün vətənə qayıdacaqlar.
TurkicWorld xarici KİV-ə istinadən xəbər verir ki, bu barədə Belarus Prezidentinin mətbuat katibi Natalya Eysmont açıqlama verib.
“ABŞ Prezidenti Donald Tramp ilə Aleksandr Lukaşenko arasında əldə edilən razılaşmaların davamı olaraq, Ukrayna tərəfinin xahişi ilə və qonşu dövlətdə silahlı münaqişənin həlli üçün şərait yaratmaq məqsədilə Prezident 31 Ukrayna vətəndaşını əfv edib”, - deyə Eysmont bildirib.
Məlumata görə, iki katolik keşişi də əfv edilib. Onların azadlığa buraxılması “Papa XIV Leonun xahişi ilə” həyata keçirilib.
