Madrid “Real”ının mətbuat xidməti UEFA Çempionlar Liqasının ümumi mərhələsinin 5-ci turu çərçivəsində “Olimpiakos”la oyun öncəsi komandanın qapıçısı Tibaut Kurtuanın zədələndiyini açıqlayıb.
İdmanxeber.az klubun rəsmi saytına istinadən xəbər verir ki, tibbi müayinədən sonra belçikalı qolkiperə viral mədə-bağırsaq infeksiyası diaqnozu qoyulub. Bu səbəbdən o, komanda ilə birlikdə Afinaya səfər etməyəcək. Kurtuanın vəziyyəti həkimlər tərəfindən nəzarətdə saxlanılacaq.
Qeyd edək ki, Çempionlar Liqasının ümumi mərhələsində dörd turdan sonra “Real” 9 xal toplayaraq turnir cədvəlində 7-ci pillədə qərarlaşıb.
