ain.az, 525.az saytından verilən məlumata əsaslanaraq xəbər yayır.
“Rusiya ABŞ prezidenti Donald Trampın Ukraynaya dair sülh planının müxtəlif versiyalarını açıq şəkildə müzakirə etməyə hazır deyil”.
525.az xəbər verir ki, bu barədə Rusiyanın xarici işlər nazirinin müavini Sergey Ryabkov bildirib.
"Biz baş verənlərin müəyyən detallarını, o cümlədən bu sülh planının müxtəlif versiyalarını açıq şəkildə müzakirə etməyə hazır deyilik. Dialoq prosesinin davam etməsi üçün vaxt və diqqət lazımdır", - o deyib.
Ryabkov Moskvanın dialoqa hazır olduğunu vurğulayıb:
"Məsələ iki ölkə liderlərinin Putin və Trampın Ankoricdə əldə etdikləri anlaşmaları ciddi şəkildə həyata keçirmək üçün siyasi iradənin olub-olmamasındadır. Biz Ankoricin nəticələrinə sadiqik və bu çərçivədə hərəkətə edəcəyik. Hazırda baş verənləri iki prezidentin orada ifadə etdiyi fundamental prinsiplərlə uyğunlaşdıracağıq".
Pərvanə Sultanova
Hadisənin gedişatını izləmək üçün ain.az saytında ən son yeniliklərə baxın.
