UFC əfsanəsi Həbib Nurmaqomedov Konor MakQregorun son günlərdə ona qarşı səsləndirdiyi ağır ittihamlara sərt şəkildə cavab verib.
Offsideplus.az xəbər verir ki, Nurmaqomedov sosial media üzərindən paylaşdığı mesajda irlandiyalı döyüşçünü açıq şəkildə yalan danışmaqda günahlandırıb.
Həbiib ona belə səslənib:
“Sən tam bir yalançısan. Adımı ləkələmək üçün həmişə çalışacaqsan. O gecə yerlə bir edildikdən sonra belə bunu etməyə davam edəcəksən, amma heç vaxt uğur qazanmayacaqsan!”
O, Konorun “yaxşı insanlar belə iş görməz” ifadəsinə də cavab verib:
“Bəli, yaxşı insanlar belə şeylər etməz. Gerçək zamanlı dəyəri olan, dostların və ailənlə paylaşa biləcəyin xüsusi rəqəmsal hədiyyələr yaratmazlar.”
Həbib həm də Dağıstan ənənələrini simvolizə edən “papaxa” formasında rəqəmsal hədiyyələrin dünyada getdikcə daha geniş yayıldığını qeyd edib:
“Dağıstan xalqının ənənə və mədəniyyətini təmsil edən papaxa şəklində hədiyyələr… İstər bəyən, istər bəyənmə — bu ənənə və mədəniyyət dünyaya yayılmağa davam edir.”
Nurmaqomedov əlavə edib ki, bu rəqəmsal hədiyyələr yalnız Telegram platformasında mövcuddur:
“Bu hədiyyələri yalnız dünyanın ən yaxşı mesajlaşma platforması olan Telegram-da tapa bilərsən.”
Bu cavabla Həbib Konorun onu NFT layihəsi vasitəsilə azarkeşləri aldatmaqda günahlandırmasına sərt reaksiya göstərmiş oldu.
