Sherg.az saytından alınan məlumatlara görə, ain.az xəbər verir.
Türk dünyası informasiya savaşında yeni mərhələyə keçir
Türk Dövlətləri Təşkilatının (TDT) Media və informasiya sahəsinə cavabdeh olan nazirlər və yüksək vəzifəli rəsmilərin iştirakı ilə keçirilən 7-ci toplantı çərçivəsində təşkil olunan Media Forum Türk dünyasında informasiya əməkdaşlığının gücləndirilməsi baxımından mühüm strateji platforma kimi çıxış edir. Bu Forum yalnız media nümayəndələrinin görüş yeri deyil, həm də türk dövlətlərinin kommunikasiya siyasətlərinin uzlaşdırılması, ortaq mövqelərin formalaşdırılması və informasiya təhlükəsizliyinin təmin olunması istiqamətində əhəmiyyətli rol oynayır.
“İslahatçı Gənclər” İctimai Birliyinin sədri, "Editor.az" saytının baş redaktoru Fərid Şahbazlı Sherg.az-a deyib ki, müasir dövrdə informasiya qlobal rəqabətin əsas vasitələrindən birinə çevrilib. Baş redaktorun sözlərinə görə, bu səbəbdən türk dövlətləri arasında vahid informasiya məkanının qurulması strateji zərurət kimi qəbul edilir: "Media Forum regional media strukturları arasında koordinasiyanı artırır, məlumat mübadiləsini sürətləndirir və müxtəlif ölkələr arasında yaranan informativ boşluqları aradan qaldırır. Bu, həm də regiona dair məlumatların daha obyektiv və operativ şəkildə paylaşılmasına şərait yaradır. Forum çərçivəsində aparılan müzakirələr türk dövlətlərinin beynəlxalq məsələlərdə daha koordinasiyalı mesajlar verməsinə imkan yaradır. Regional və qlobal proseslərə dair ortaq baxışların formalaşdırılması türk birliyinin informasiya müstəvisində də gücləndirilməsinə töhfə verir. Eyni zamanda, jurnalistlər və media rəhbərləri üçün təşkil olunan görüşlər peşəkarlığın artırılması, rəqəmsal dövrün tələblərinə uyğun yeni bacarıqların mənimsənilməsi və media trendlərinə dair təcrübə mübadiləsi üçün dəyərli imkan təmin edir".
F.Şahbazlı bəyan edib ki, Media Foruma xüsusi əhəmiyyət verən digər bir amil informasiya təhlükəsizliyidir: "Dezinformasiyanın geniş yayıldığı bir zamanda türk dövlətlərinin bu sahədə koordinasiyalı fəaliyyət göstərməsi zəruridir. Forum kənar təsirlərə qarşı dayanıqlı media mühitinin yaradılması, milli maraqların müdafiəsi və informasiyanın doğru idarə olunması üçün mühüm platformaya çevrilib. Eyni zamanda Media Forum Türk dünyasının ortaq mədəniyyətinin, tarixi yaddaşının və kimliyinin media vasitəsilə daha geniş auditoriyalara çatdırılmasına şərait yaradır. Bu, həm mədəni inteqrasiyanı gücləndirir, həm də türk dövlətlərinin beynəlxalq imicinin yaxşılaşdırılmasına töhfə verir. Bir sözlə, TDT Media Forumu türk dövlətlərinin informasiya sahəsində əməkdaşlığını dərinləşdirən, peşəkar media mühitini inkişaf etdirən və strateji kommunikasiya imkanlarını genişləndirən önəmli regional platformadır. Bu Forum Türk dünyasının qlobal informasiya sistemində daha güclü və koordinasiyalı şəkildə təmsil olunmasına real töhfə verir".
Sonrakı hadisələr barədə daha çox məlumat almaq üçün ain.az saytını izləyin.
