Misli Premyer Liqasında 13-cü tur davam edir.
“İki sahil” xəbər verir ki, ikinci oyun günündə daha iki görüş keçiriləcək.
Əvvəlcə “İmişli” “Sabah”ı qəbul edəcək. Ötən tur “Neftçi”ni məğlub edən bölgə təmsilçisi hazırda 15 xalla 8-ci pillədə qərarlaşıb. “Sabah” isə 22 xalla dördüncüdür Paytaxt klubu bu görüşdə qələbə qazansa, turnir cədvəlində bir pillə irəliləyəcək.
Günün ikinci matçında son çempion “Qarabağ” “Karvan-Yevlax”ı sınağa çəkəcək. Ağdam klubu hazırda 26 xalla birinci, Yevlax təmsilçisi isə 5 xalla sonuncudur.
Misli Premyer Liqası,
13-cü tur
29 noyabr (şənbə)
14:30. “İmişli” - “Sabah”
Hakimlər: Elçin Məsiyev, Elşad Abdullayev, Pərvin Talıbov, Elvin Bayramov
VAR: Rauf Cabarov
AVAR: Zeynal Zeynalov
Quba OİK stadionu
17:00. “Qarabağ” - “Karvan-Yevlax”
Hakimlər: Kamranbəy Rəhimov, Eyyub İbrahimov, Zöhrab Abbasov, Kamran Əliyev
VAR: Cavid Cəlilov
AVAR: Kamran Bayramov
“Azərsun Arena”
