Fanat saytından verilən məlumata əsasən, ain.az məlumatı açıqlayır.
Misli Premyer Liqasında 13-cü tur davam edir.
Fanat.Az xəbər verir ki, dünən start götürən tur çərçivəsində bu gün daha iki görüş baş tutacaq.
Əvvəlcə Qubada "İmişli" və "Sabah" komandaları üz-üzə gələcəklər. Ötən tur səfərdə "Neftçi"ni məğlub edən Jorje Kaşkilyanın komandası daha bir paytaxt təmsilçisini üstələməklə turnir vəziyyətini yaxşılaşdırmaq əzmindədir. "Bayquşlar" isə ilk "3-lüy"ə yüksəlmək fürsətindən yararlanmağa çalışacaq.
Günə Suraxanıda yekun vurulacaq. Lider “Qarabağ” autsayder “Karvan-Yevlax”ı sınağa çəkəcək. Həftəiçi İtaliyada "Napoli" ilə qarşılaşan (0:2) ağdamlıalr üçün bugünkü matç bərpa məşqi hesab oluna bilər. Qurban Qurbanovun komandası növbəti qalibiyyətini əldə edib dünən şərikli liderliyə nail olan "Zirə"dən aralanmağa çalışacaq. Təsadüfi deyil ki, növbəti turda "Qarabağ"ın rəqibi məhz "Zirə" olacaq.
Qeyd edək ki, dünən baş tutan açılış oyunlarında "Zirə" "Kəpəz"i 2:0 yenib, "Turan Tovuz"la "Neftçi" isə qolsuz heç-heçəyə (0:0) razılaşıblar.
Misli Premyer Liqası
13-cü tur
29 noyabr
14:30. “İmişli” – ”Sabah"
Hakimlər: Elçin Məsiyev, Elşad Abdullayev, Pərvin Talıbov, Elvin Bayramov
VAR: Rauf Cabarov, Zeynal Zeynalov.
Hakim-inspektor: Anar Salmanov.
AFFA nümayəndəsi: Elgiz Abbasov.
Quba. Olimpiya İdman Kompleksinin stadionu.
17:00. “Qarabağ” – “Karvan-Yevlax”
Hakimlər: Kamranbəy Rəhimov, Eyyub İbrahimov, Zöhrab Abbasov, Kamran Əliyev.
VAR: Cavid Cəlilov, Kamran Bayramov.
Hakim-inspektor: Ömər Paşayev.
AFFA nümayəndəsi: Nəriman Axundov.
Suraxanı. “Azərsun Arena”.
Abunə Ol
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
