Sumqayıtda həkimin əməliyyat etdiyi xəstədə sonradan xərçəng əmələ gəldiyi iddia edilir.
Manset.az Xəzər Xəbər-ə istinadən bildirir ki, əməliyyat olunan 38 yaşlı Nazim İsayevin anası Güləndam İsayeva oğlunun səhhəti ilə bağlı narazılıq edərək həkimləri günahlandırıb.
O bildirib ki, oğlu papilloma, yəni dəridəki xoşxassəli törəmə səbəbindən əməliyyat edildikdən sonra onda xərçəng xəstəliyi yaranıb.
Ana iddia edir ki, həkim oğluna heyvandarlıqda istifadə olunan preparatı tətbiq etdikdən sonra bu hal baş verib:
“Üstümə qışqırdı ki, əşi sən nə istəyirsən? Çıxdıqca kəsəcəm. Gedin heyvandarlıqdan bor turşusu alın gətirin. Yaraya tökəcəm, yandıracaq. Biz nə bilirik? Getdik aldıq gətirdik. Qardaş onu tökəndən sonra uşağın yarası açıldı”.
Ananın sölərinə görə, əməliyyatdan sonra da həkimlər oğlu ilə maraqlanmayıb. Cərraha hadisədən sonra töhmət verilsə də, bu qərar onları qane etmir.
Hadisədə adı çəkilən həkim Cərrah Şahqubad Qubadov isə iddiaları qəbul etmir. Barəsində deyilənləri isə əsassız sayır.
Daha ətraflı videomaterialda:
