Yazını böyüt
Yazını kiçilt
Honkonqda 128 nəfərin ölümü ilə nəticələnən yanğına görə şəhərdə üçgünlük matəm elan olunub.
Hafta.az xəbər verir ki, ölənlərin xatirəsinin yad edilməsi üçün şəhər rəhbərliyinin iştirakı ilə rəsmi mərasim keçirilib.
Bayraqlar yarıyadək endirilib, 3 dəqiqə sükut elan olunub.
Şəhər hökumətinin açıqlamasında deyilir ki, matəm tədbirləri 3 gün davam edəcək. Bu günlərdə dövlət qurumları tərəfindən heç bir əyləncə tədbiri təşkil olunmayacaq, rəsmi şəxslər ictimai mədəni və əyləncə tədbirlərinə qatılmayacaq. Sakinlərin və turistlərin xatirə kitabına diləklərini yazması üçün şəhərin 18 rayonunda matəm məntəqələri fəaliyyət göstərir.
