Rusiyanın Novosibirsk şəhərində it mənzili partlatdı.
Ölkə.Az-ın məlumatına görə, sahibi Fadeev küçəsində evdən çıxarkən sobanın üstündə diхlofos baloncuğu qoyub getmişdi. Evdə tək qalan it isə qaz plitəsinin gözünü yandırıb. Döndərmə düymələrinin üstündə diş izləri qalıb. Baloncuk qızaraq hermetikliyini itirib və güclü partlayış baş verib. Partlayış mənzili dağıdıb, pəncərələri və blokun giriş qapısını yerindən çıxarıb.
Xoşbəxtlikdən, it sağ qalıb. O, vaxtında balkona qaçıb gizlənə bilib. Yanğın mətbəx mebeli və divar kağızlarına zərər vurub, lakin xilasedicilər gələnə qədər özü sönüb.
