Azərbaycan Xalq Cəbhəsi Partiyasının ( AXCP) sədri Əli Kərimli və partiyanın Rəyasət Heyətinin üzvü Məmməd İbrahim barələrində aparılan araşdırma çərçivəsində DTX-də dindirilirlər.
APA-nın məlumatına görə, bu gün hər iki şəxsin evində axtarış aparılıb.
Axtarışdan sonra onlar Dövlət Təhlükəsizliyi Xidmətinə aparılıblar.
Məlumata görə, Əli Kərimlinin və Məmməd İbrahimin evindəki axtarış və dindirilmə Ramiz Mehdiyevin DTX-da istintaq olunan cinayət işi ilə əlaqədardır.
Ayna.az saytı isə Əli Kərimli barədə daha bir məlumat yayıb. Saytın əldə etdiyi xəbərə görə, axtarış zamanı Əli Kərimlinin evindən “Milyarderlər İttifaqı” ilə əlaqələrə dair materiallar, Ramiz Mehdiyev tərəfindən yazılmış məktubun mediada olmayan ilkin redaktə variantı və sair sənədlər tapılıb.
