Azərbaycan Cüdo Federasiyasının (ACF) prezidenti Rəşad Nəbiyev Beynəlxalq Cüdo Federasiyasının (IJF) İcraiyyə Komitəsinə üzv seçilib
Sportinfo.az xəbər verir ki, bu barədə qərar Macarıstanın paytaxtı Budapeştdə keçirilən IJF-nin Konqresində qəbul edilib.
Nüfuzlu tədbirdə milli federasiyaların, qitə ittifaqlarının və beynəlxalq cüdo ictimaiyyətinin nümayəndələri yer alıblar.
Konqres çərçivəsində 2025–2029-cu illər üçün IJF-nin İcraiyyə Komitəsinin yeni tərkibi də təsdiqlənib. Səsvermənin nəticələrinə əsasən, ACF-nin prezidenti Rəşad Nəbiyev İcraiyyə Komitəsinin üzvü seçilib.
Toplantıda altıncı dəfə IJF-nin prezidenti seçilən Marius Vizer qarşıdakı dörd il ərzində quruma rəhbərlik edəcək.
