“Azərbaycan xalqının və dövlətinin taleyində elə böyük əhəmiyyət daşıyan günlər var ki, həmin günlərdə onun gələcəyini həyatını müəyyən edən mühüm başlanğıcların əsası qoyulub. Belə günlərdən ən önəmlisi isə tariximizə qızıl hərflərlə yazılan 15 İyun-Milli Qurtuluş Günüdür.
15 iyunun müasir Azərbaycan tarixindəki önəmi və əhəmiyyəti ondan ibarətdir ki, bu, xalqımızın və müstəqilliyinin yenidən bərpa edən Azərbaycan üçün əsl qurtuluş tarixidir. Bu tarixi yaradan isə Azərbaycanın müstəqilliyinin qorunub saxlanmasında, möhkəmlənməsində, inkişafında birmənalı rol oynayan Ulu öndər Heydər Əliyevdir”.
Bunu Ölkə.az-a açıqlamasında Milli Məclisin gənclər və idman komitəsinin sədri Şahin İsmayılov deyib.
Komitə sədri bildirib ki, bugünkü Azərbaycanın əldə etdiyi uğurlar və qələblərin əsası məhz Ulu öndər Heydər Əliyev tərəfindən qoyulub: “15 iyun 1993-cü ildə müstəqilliyimizin, dövlətçiliyimizin yoxolma anında məsuliyyəti üzəirnə götürərək hakimiyyətə gəlişi ilə bütün təhlükələrdən xilas olduq. Bu səbəbdən də Ulu öndər Heydər Əliyevin adı tariximizə həm də böyük xilaskar və müasir Azərbaycanın memamrı kimi düşüb. Bunun üçün Ulu öndərin hakimiyyətə gəlişi dövrə xronoloji olaraq nəzər yetirmək kifayət edər.
1993-cü ilin əvvəlində ölkədə başlayan ictimai-siyasi böhran dərinləşərək xaosa çevrilməklə XX əsrin sonunda müstəqlliyini bərpa edən Azərbaycan siyasi xəritədən silinmə təhlükəsi ilə üzləşdi. Ölkədə qarşıdurma, vətəndaş müharibəsi, separatizm meylləri hər ötən gün kəskin xarakter alırdı. Sözün əsl mənasında xaos hökm sürürdü. Azərbaycan dövlətçiliyinin varlığı sual altında idi. Ulu öndər hakimiyyətə gəlməklə ilk növbədə Azərbaycanın müstəqilliyinə ciddi təhdid yaradan vətəndaş qarşıdurmasının, separatzim meyllərinin qarşısını alıb, ölkədəki hərbi-siyasi müxalifəti tərk silah etməklə siyasi sabitliyə, həmrəyliyə nail olmaq istiqamətində ciddi addımlar atdı. Bununla paralel olaraq ölkədə sosial-iqtisadi vəziyyətin inkişafı istiqamətində genişmiqyaslı islahatlara başlanıldı. Azərbaycanın müstəqilliyinin dönməz xarakter alması və təhlükəsizliyinin təmin olunması məqsədi ilə uğurlu enerji strategiyasını müəyyən etdi. Çox ciddi təhdidlərin olmasına baxmayaraq Ulu öndərin müdrik və qətiyyətli addımları nəticəsində 1994-cü ildə “Əsrin müqaviləsi” imzalandı. Belə bir sənədin imzalanması bugünkü Azərbaycanın inkişafında əsas təkanverici amilə çevrildi. Uğurlu enerji strategiyası Azərbaycanın təhlükəsizliyinin və müdafiə qabliyyətinin gücləndirilməsində xüsusi rol oynadı. Bununla da Azərbaycan sürətli inkişaf mərəhləsinə qədəm qoydu.
Azərbaycan ordusunun tamamilə yenidən qurulmasına start verildi. Bu, eyni zamanda Azərbaycanın ən ciddi problemlərindən olan məcburi köçkün və qaçqınların sosial humanitar problemlərinin həll edilməsində müstəsna rol oynadı. Qısa zamanda Ermənistanın işğalçılıq siyasəti nəticəsində öz ata yurdlarından didərgin düşən məcburi köçkünlərin ağı şəraitdə məskunlaşdığı çadır şəhərcikləri müasir şəhərciklərlə əvəz edildi. Azərbaycan belə bir ciddi problem təkbaşına həll etdi.
Növbəti mərhələ isə Ermənistanın işğalçılıq siyasətinə son vermək üçün tamamilə yeni nizamı, peşəkar ordu formalaşdırmaqla yanaşı, diplomatiya sahəsində də ciddi addımlar atılmağa başlanıldı.
Ulu öndər Heydər Əliyevin yürütdüyü qətiyyətli və müdrik siyasət nəticəsində yoxolma mərhələsini aşan Azərbaycan dünyanın söz sahibi olan ölkəsinə çevrilməyə başladı. Beynəlxalq aləm tədricən Azərbaycanla hesablaşamağa başldı. Lakin ömür ona nəzərdə tutuğu planları, Ermənistanın işğalına son verilməsi günü və Azərbaycanın möhtəşəm qələbələrə imza atması gününü görməyə vəfa etmədi. Ancaq Ulu öndər Heydər Əliyev arzulaırnın reallaşacağıan nikbin idi və o bunu çıxışlaırnda dəfələrlə bəyan edib. Ulu öndər hələ zamanında bəyan edirdi ki, Azərbaycan Ermənistanın işğalına son qoyacaq və ərazi bütövlüyünü təmin edəcək. Məhz Ulu öndər Azərbaycanın güclü, qüdrətli və qalib dövlətə çevrilməsi üçün cənab İlham Əliyevi öz siaysi irsinin davamçısı müəyyən etdi. Ulu öndər Heydər Əliyev siyasi varisinin hansı potensiala malik oldğunu bildiyindən 2003-cü ildə xalqa müraciətində əminliklə bəyan etdi ki, cənab İlham Əliyev ölkəmizin qarşısında duran bütün arzuları reallaşdıraraq Azərbaycanı dünyanın ən güclü, qüdrətli və qalib dövlətinə çevirəcək. Belə də oldu. Cənab İlham Əliyevin liderliyi altında Azərbaycan sıçrayışlı inkişaf dövrünü qədəm qoymaqla davamlı uğurlara imza atdı. Güclü, qüdərtli dövlət modeli yaratmalqa Ermənistanın işğal siyasətinə son verib ərazi bütövlüyünü və suverenliyini təmin edərək Azərbaycanı və xalqını qalib dövlətə, xalqa çevridi. Cənab İlham Əliyev Azərbaycan xalqının xəyallarını həyata keçirməyi bacardı.
Bu gün Azərbaycan artıq dünyanın söz sahibi olan ölkəsi olaraq regional və qlobal proseslərdə aktib oyunçu rolunda çıxış etməklə sülhə, sabitliyə, təhlükəsizliyə və sıx əməkdaşlıq formatlarının yaranmasına, ədalətin bərpa olunmasına töhfə verməkdədir.
Prezident İlham Əliyevin yürütdüyü uzaqgörən, çevik çoxvektorlu diplomatiya nəticəsində yeni dünya düzəninin formalaşması istiqamətində gedən sox mürəkkəb geosiyasi proselsəri Azərbaycan üçün fürsətlərə çevriməkdədir. Bu da Azərbaycanın beynəlxalq münasibətlər sistemindəki rolunu hər ötən gün daha da artırır və dünyanın nüfuzlu ölkələrindən birinə çevrilməsinə yeni-yeni imkanlar yaradır. Əminəm ki,Ulu öndər Heydər Əliyevin siyasi irsinin layiqli davamçısı cənab Prezident İlham Əliyevin liderliyi altında bu təlatümlü dünyamızda Azərbaycanı “sabitlik adasına” çevirməklə yeni uğrulara imza atacaq”.
Mürtəza
Ölkə.az
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
