İsrailin Hayfa şəhərindəki neft emalı zavodu İranın raket hücumu nəticəsində lokalm ziyana məruz qalıb.
"Report"un "Times of Israel"ə istinadən verdiyi xəbərə görə, bu barədə obyektin operatoru məlumat yayıb.
“Şimalda Hayfa şəhərində yerləşən Bazan neft emalı kompleksinin obyektləri arasında boru kəmərləri və elektrik xətləri İran tərəfindən gecə saatlarında atılan raket atəşi nəticəsində lokal zədələnib”, - məlumatda deyilir.
Şirkət bildirir ki, ərazidəki bir çox obyekt bağlansa da, bəzi emallar davam edir. Ölən və yaralananlar barədə məlumat yoxdur.
Qeyd edək ki, gecə ərzində Hayfaya 40-a yaxın raket atılıb, bir mərmi qonşu Tamra şəhərində yaşayış binasına düşüb. Nəticədə dörd nəfər ölüb.
