Rusiyanın daha bir şəhərində azərbaycanlılara qarşı reydlər BAŞLADI — VİDEO

Rusiyanın Voronej vilayətində azərbaycanlılara qarşı genişmiqyaslı reydlər başlayıb.

Bu barədə “newizv.ru” saytı yazıb. 

“İki mayor” adlı Telegram kanalı və digər media resurslarının yaydığı məlumata görə, Voronejdə yerləşən Alekseyevski bazarında (“Qara Torpaq” topdansatış bazası) çalışan bir qrup azərbaycanlı guya rus sürücünün yük maşınına mane olub. 

Miqrasiya xidmətinin yeni rəhbəri, Rusiya DİN-in polis general-polkovniki Andrey Kikot vəziyyəti şəxsi nəzarətə götürüb.  
 
25 iyun tarixində DİN və Rosqvardiyanın əməkdaşları tərəfindən “Qeyri-qanuni — 2025” adlı əməliyyat-profilaktik tədbirlər çərçivəsində Alekseyevski bazarında genişmiqyaslı reyd keçirilib. 

Reyd zamanı 450-dən çox şəxs yoxlanılıb. Miqrasiya qanunvericiliyini pozduğuna görə 42 xarici vətəndaş inzibati məsuliyyətə cəlb olunub, 17 nəfərə hərbi qeydiyyata düşmək üçün çağırış vərəqəsi təqdim edilib. (Bizim.Media)