BAKI. 1 iyul. TELEQRAF
“Real Madrid”in hücumçusu Kilian Mbappe klublararası dünya çempionatının 1/8 finalında "Yuventus"a qarşı oynaya biləcək. Teleqraf xəbər verir ki, bu barədə İspaniya klubunun baş məşqçisi Xabi Alonso bildirib.
İspan çalışdırıcı deyib: “Mbappe özünü daha yaxşı hiss edir. O, oynamağa hazırdır”.
Yada salaq ki, iyunun 19-da Mbappe kəskin qastroenterit diaqnozu ilə xəstəxanaya yerləşdirilib. Futbolçunun xəstəlik səbəbindən 4-5 kilo arıqladığı qeyd edilib.
Onu da qeyd edək ki, “Real Madrid” – “Yuventus” oyunu bu gün Bakı vaxtı ilə saat 23:00-da başlayacaq.
