Xankəndi, 4 iyul. TELEQRAF
"Türkiyə olaraq iqlim dəyişikliyinin bəşəriyyət üçün ciddi və təxirəsalınmaz bir çağırış olduğunu tam şəkildə anlayırıq".
Teleqraf-ın Xankəndiyə ezam olunmuş əməkdaşı xəbər verir ki, bunu Türkiyə Prezidenti Rəcəb Tayyib Ərdoğan İqtisadi Əməkdaşlıq Təşkilatının (ECO) 17-ci Zirvə görüşündəki çıxışında deyib.
O qlobal problemin yalnız birgə səylərlə həll oluna biləcəyinə inandığını bildirib: "Məhz bu səbəbdən, biz iqlim dəyişikliyi ilə mübarizə sahəsində mühüm addımların atılmasının vacibliyini dərk edir və bu istiqamətdə həm milli, həm də beynəlxalq səviyyədə fəal iştirak edirik. Dayanıqlı inkişaf, yaşıl enerji və ətraf mühitin qorunması Türkiyənin prioritet istiqamətlərindəndir".
