Bild yazır ki , İranın ali dini lideri Ayətullah Əli Xamenei 25 gündür ictimaiyyət qarşısına çıxmır.
Turkustan.az xəbər verir ki, nəşr iddia edir ki, bu müddət ərzində cənab Xamenei xalqa iki video mesaj göndərib, lakin hər iki video təhlükəsiz evdən lentə alınıb.
“Bild”in məlumatına görə, İran lideri İsrailin iyunun 13-də İran ərazisinə zərbələr endirməyə başlamasından az sonra bunkerə sığınıb.Ekspertlər hesab edir ki, o, təhlükəsizlik baxımından bunkerini tərk etmir. Bild yazır ki, İranda Ayətullahın ağır xəstəliyi və hətta mümkün ölümü ilə bağlı şayiələr yayılır, lakin hələlik bunun təsdiqi yoxdur.
İsrail “Şir kimi insanlar” əməliyyatını İranın nüvə və müdafiə obyektlərini məhv etmək məqsədi adlandırıb. İyunun 22-də ABŞ İsfahan, Natanz və Fordodakı nüvə obyektlərinə zərbələr endirib. İyunun 24-də ABŞ prezidenti Donald Tramp iki ölkənin atəşkəs barədə razılığa gəldiyini açıqlayıb. İyunun 26-da Əli Xamenei iranlıları İsrail və ABŞ üzərində qazandıqları qələbə münasibətilə təbrik edib.
Aytən Yaşar/ Turkustan.az
