Böyük Britaniya Suriya ilə diplomatik münasibətləri bərpa edir.
Bakıvaxtı.az-ın "Reuters"ə istinadən verdiyi məlumata görə, bunu Böyük Britaniyanın xarici işlər naziri Devid Lemmi Suriya Prezidenti Əhməd Əl-Şaara ilə görüşündə deyib.
"Suriya xalqı üçün yeni ümid var. Böyük Britaniya Suriya ilə diplomatik əlaqələri bərpa edir. Çünki bütün suriyalılar üçün sabit, daha təhlükəsiz və firavan gələcək qurmaq öhdəliyini yerinə yetirməkdə yeni hökuməti dəstəkləmək bizim maraqlarımızdadır", - Lemmi söyləyib.
Suriya liderinin mətbuat xidmətindən bildirilib ki, tərəflər görüş zamanı ikitərəfli münasibətləri və əməkdaşlığın möhkəmləndirilməsi yollarını, həmçinin regional və beynəlxalq məsələləri müzakirə ediblər.
