Bakı, 7 iyul, AZƏRTAC
"Gəncə" heyətini yeni voleybolçu ilə gücləndirib.
Klubdan AZƏRTAC-a verilən məlumata görə, “sari-göylər” ABŞ-dan olan libero Alisa Kim ilə birmövsümlük müqavilə imzalayıb.
Voleybolçu ötən mövsümü Rumıniyanın "Rapid” (Buxarest) komandasında keçirib və ölkə kuboku yarışlarında bürünc medala sahib olub.
Libero karyerası ərzində Sloveniyanın GEN-I və ABŞ-ın "Qonzaqa University" komandalarında da forma geyinib.
