Rusiya prezidenti Vladimir Putin sərəncamla nəqliyyat naziri Roman Starovoytu tutduğu vəzifədən azad edib. Bu təəccüblü qərarın səbəbi göstərilməyib. Starovoytun sələfi Vitali Savelyev baş nazirin səlahiyyətlərini icra edirdi.
“Reuters” xəbər agentliyinin məlumatına görə, Starovoyt beş il Kursk vilayətinin qubernatoru vəzifəsində çalışdıqdan sonra ötən ilin mayında nazir təyin edilmişdi. Onun təyinatından 3 ay sonra Ukrayna qoşunları Kursk vilayətinə soxularaq Rusiyaya qarşı böyük əməliyyata başlayıb.
Kremldən verilən açıqlamaya görə, Starovoytun yerinə əvvəllər Novqorod vilayətinin qubernatoru vəzifəsində çalışmış Andrey Nikitin təyin edilib. Nikitin nəqliyyat nazirinin müavini idi.
Regional qubernator olmazdan əvvəl Starovoyt nəqliyyat sektorunda çalışıb. O, altı il Rusiyanın federal yol agentliyi olan Rosavtodorda işləyib.
