Pakistan və Azərbaycan əlaqələrin möhkəmləndirilməsi öhdəliyini bir daha təsdiqləyiblər. Bu əlaqələrin əsas istiqamətlərinə nəqliyyat əlaqələrinin genişləndirilməsi, ticarət və investisiya sahələri daxildir.
Operativ Media xəbər verir ki, bu öhdəlik Pakistanın Rabitə naziri Əbdül Alim Xan ilə Azərbaycanın iqtisadiyyat nazirinin müavini Səməd Bəşirli arasında İslamabadda keçirilən görüşdə ifadə olunub.
Nazir Bakı ilə İslamabad arasında xüsusilə iqtisadi sahədə əlaqələrin dərinləşdirilməsinin vacibliyini vurğulayıb.
Səməd Bəşirli isə Azərbaycanın ikitərəfli investisiya və ticarətin genişləndirilməsində maraqlı olduğunu bir daha qeyd edib.
Tərəflər iqtisadi əməkdaşlığın gücləndirilməsinin vacibliyi barədə razılığa gəliblər.
