ain.az bildirir, Bizimyol portalına istinadən.
İsveçin Baş naziri Ulf Kristersson administrasiyasında "ikinci rəy almaq" üçün tez-tez süni intellekt (Sİ) vasitələrindən istifadə etdiyini açıqladıqdan sonra kəskin tənqidlərə məruz qalıb.
Bizimyol.info xəbər verir ki, İsveçin aparıcı biznes qəzeti olan "Dagens Industri"yə verdiyi müsahibədə Kristersson "ChatGPT" və Fransa istehsalı olan "LeChat" kimi süni intellekt platformalarından fəal istifadə etdiyini bildirib.
O, bu vasitələrdən “Başqaları nə edib? Əksini düşünməliyik?” kimi suallara cavab vermək üçün istifadə etdiyini bildirib. Kristerssonun açıqlaması xüsusilə texnologiya mütəxəssisləri və müxalifət tərəfindən sərt tənqidlərlə qarşılanıb.
İsveçin ən böyük qəzetlərindən biri olan "Aftonbladet" redaksiya məqaləsində Kristerssonun "oliqarxların süni intellekt psixozuna tutulduğunu" iddia edib.
Karlstad Universitetindən kompüter alimi Simone Fischer-Hübner Aftonbladetə vurğulayıb ki, siyasətçilərin həssas məsələlərdə süni intellektə müraciət etməsi ciddi risklər yarada bilər: "Çox diqqətli olmaq lazımdır. Xüsusilə təhlükəsizliklə bağlı məlumatlar bu sistemlərlə paylaşılmamalıdır", - deyə qeyd edib.
Baş nazirin sözçüsü Tom Samuelsson, Kristerssonun süni intellektdən istifadə edərkən təhlükəsizlik riski yarada biləcək məlumat vermədiyini iddia edib: "Bu sistemlər həssas məzmun deyil, ilk növbədə fikir mübadiləsi və ümumi çərçivələr yaratmaq üçün istifadə olunur", - deyə o bildirib.
Bununla belə, Umea Universitetinin aparıcı süni intellekt üzrə eksperti professoru Virciniya Dignum daha fundamental tənqidi təklif edib: "Sİ siyasi ideyalar haqqında mənalı rəy təklif edə bilməz. O, yalnız onu tərtib edənlərin fikirlərini əks etdirir.Sadə məsələlərdə belə, süni intellektə həddən artıq güvənmək sistemə həddən artıq güvənməyə səbəb ola bilər. Bu, çox təhlükəli bir meyldir", - deyib.
Dignum ictimaiyyətə xatırladıb ki, siyasi məsuliyyət seçilmişlərin üzərinə çatdırıb: "Unutmayaq: Biz "ChatGPT"yə səs vermədik".
Kristerssonun açıqlamaları süni intellektin dövlət idarəçiliyinə, qərarların qəbuluna və siyasətə təsiri ilə bağlı Avropada davam edən etik müzakirələri yenidən canlandırıb.
Liderlərin öz fikirlərini formalaşdırarkən belə alqoritmlərlə məsləhətləşmələri seçicilərin iradəsinin harada başlayıb, harada bitdiyi sualını doğurur.
Qadir, Bizimyol.info
Ən son xəbərləri və yenilikləri almaq üçün ain.az saytını izləyin.
