14 avqust üçün hava proqnozu açıqlanıb.
Finss.az Milli Hidrometeorologiya Xidmətinin proqnozuna əsasən xəbər verir ki, 14 avqust tarixində Bakıda və Abşeron yarımadasında hava dəyişkən buludlu, əsasən yağmursuz keçəcək. Lakin gündüz bəzi şəhərətrafı ərazilərdə qısamüddətli az yağış ehtimalı var. Şimal-şərq küləyi əsəcək.
Havanın temperaturu gecə +22…+25°C, gündüz +29…+33°C olacaq. Atmosfer təzyiqi 763 mm civə sütunu, nisbi rütubət gecə 65–75%, gündüz 40–45% təşkil edəcək.
Azərbaycanın rayonlarında bəzi yerlərdə arabir yağış və şimşək çaxması gözlənilir. Ayrı-ayrı yerlərdə leysan xarakterli intensiv yağış və dolu ehtimalı var. Gecə və səhər bəzi dağlıq ərazilərdə duman müşahidə olunacaq. Şərq küləyi bəzi yerlərdə arabir güclənəcək.
Havanın temperaturu rayonlarda gecə +20…+24°C, gündüz +30…+35°C, dağlarda isə gecə +12…+17°C, gündüz +18…+23°C olacaq.
