AZ
Mövzular
Müsahibə
15.08.2025 ◦ 14:52

İxtisas seçimini özümüz edək, yoxsa ödənişlə etdirək? — AÇIQLAMA

“Xeyli sayda abituriyent ixtisas seçimini bu sahədə xidmət göstərən şəxslərə müraciət edərək reallaşdırır. Həmçinin repetitor müəllimlərə müraciət edirlər. Yaxşı olar ki, abituriyent öz seçimini özü etsin. Proses çox da çətin deyil. Sadəcə, əvvəlki illərin nəticələrini izləməyə ehtiyac var. Mütləq şəkildə abituriyent özü o prosesdə iştirak etməlidir”.

Bunu Demokrat.az-a açıqlamasında Azərbaycan Gənc Alim, Doktorant və Magistrlər Cəmiyyətinin sədri, fəlsəfə doktoru İlqar Orucov deyib. O bildirib ki, əsasən orta və az bal toplayanlar bu cür xidmət göstərən şəxslərə müraciət etməli olurlar:



“Yüksək bal toplayan abituriyentlərin onsuz da bəlli hədəfləri olur, onlar üçün hər hansı çətinlik olmur. Çünki yüksək bal toplayıblar, əvvəlcədən müəyyən etdikləri, özlərini görmək istədikləri ixtisası seçirlər və tələbə adını qazanırlar. Daha çox orta və aşağı bal toplayan abituriyentlər üçün müəyyən çətinliklər yaranır. Bu da onunla bağlıdır ki, az bal topladıqları üçün ixtisas seçimində tərəddüd edirlər.

Abituriyent “x” bir ixtisasa marağı olsa da, balı az olduğu üçün məcbur olur ki, yığdığı bala uyğun ixtisaslar tapsın. Belə halda onlar müxtəlif insanlara müraciət etməli olurlar. Bu, bir xidmətdir və biznes növüdür, kifayət qədər geniş yayılıb. Bu insanların kifayət qədər çox müştəriləri olur. Bunlar daha çox tanınmış təhsil ekspertləri olur. Buna pis də baxmıram, bu, bir biznesdir, müəyyən xidmət göstərirlər və bunun müqabilində abituriyentlərdən ödəniş alırlar”.

Cavidan Mirzəzadə
Demokrat.az
Seçilən
48
50
demokrat.az

10Mənbələr